googleb4b60998f2a4fbdf.html

[fusion_builder_container hundred_percent=”no” equal_height_columns=”no” menu_anchor=”” hide_on_mobile=”small-visibility,medium-visibility,large-visibility” class=”” id=”” background_color=”” background_image=”” background_position=”center center” background_repeat=”no-repeat” fade=”no” background_parallax=”none” parallax_speed=”0.3″ video_mp4=”” video_webm=”” video_ogv=”” video_url=”” video_aspect_ratio=”16:9″ video_loop=”yes” video_mute=”yes” overlay_color=”” video_preview_image=”” border_size=”” border_color=”” border_style=”solid” padding_top=”” padding_bottom=”” padding_left=”” padding_right=””][fusion_builder_row][fusion_builder_column type=”1_1″ layout=”1_1″ background_position=”left top” background_color=”” border_size=”” border_color=”” border_style=”solid” border_position=”all” spacing=”yes” background_image=”” background_repeat=”no-repeat” padding=”” margin_top=”0px” margin_bottom=”0px” class=”” id=”” animation_type=”” animation_speed=”0.3″ animation_direction=”left” hide_on_mobile=”small-visibility,medium-visibility,large-visibility” center_content=”no” last=”no” min_height=”” hover_type=”none” link=””][fusion_text]

Eftir tvær vikur fer ég í það mest spennandi ferðalag sem ég hef farið á ævinni. Í fyrstu hljómar þetta ferðalag ekkert frábrugðið mörgum öðrum. Jú, það tekur aðeins 11 daga, ég held mig innan sömu heimsálfu og heimsæki bara tvö lönd, en það er samt sem áður öðruvísi en öll ferðalög sem ég hef farið í áður og Gekko.is ætlar að leyfa mér að deila þessu ferðalagi með ykkur.

Ferðalagið mitt byrjar í París þar sem ég ætla að skoða borgina í tæpa tvo sólarhringa, þá tekur við nokkra tíma lestarferð til Suður-Frakklands þar sem ég legg af stað (og hér kemur þetta óvenjulega) einn í tveggja daga gönguferð yfir Pýreneafjöll til Spánar. Þegar til Spánar er komið mun ég fara til Palóma þar sem San Fermín hátíðin er í gangi og vonandi sjá nautahlaupið, hlusta á góða tónlist og njóta. Ferðina mun ég svo enda í Barcelona þar sem systir mín, kærasti hennar og  þá nýorðinn 7 vikna krúttsprengju litli frændi minn munu taka á móti mér.

Ég fæ að njóta Parísar í tvo daga áður en ég held til fjalla Ég fæ að njóta Parísar í tvo daga áður en ég held til fjalla

Hvernig í ósköpunum datt þér þetta í hug?

Það er gönguferðin sem lætur fólk oftast verða hissa á svipinn og spyrja hvernig í ósköpunum datt þér þetta í hug? Staðreyndin er sú að í nokkur ár hef ég haft mikinn áhuga á fjallgöngum. Þegar ég geng á nýtt fjall þá nýt ég ekki aðeins útsýnisins, félagsskapsins og náttúrunnar, heldur einnig þeirrar tilfinningu að hafa sigrast á einhverju. Í fyrra langaði mig svo að prófa eitthvað alveg nýtt og leitaði því að spennandi göngum í útlöndum. Þá rambaði ég á Jakobsveginn.

Jakobsvegurinn er 800 km pílagrímaganga sem á sér þúsund ára sögu. Hún byrjar á ýmsum stöðum en vinsælasta leiðin hefst í Frakklandi. Ég verð hins vegar algjör súkkulaðikleina miðað við alvöru pílagríma því ég geng bara fyrsta hluta göngunnar; 26 km leið yfir Pýreneafjöllin sem liggja á landamærum Frakklands og Spánar. Þó er þetta eini parturinn sem fer yfir fjöll og er oft sagður erfiðasti og mest spennandi kafli göngunnar.

Pýrenea-fjallgarðurinn  Pýrenea-fjallgarðurinn

Hugmyndina fékk ég í fyrra einhverjum vikum áður en ég var að fara til Barcelona og mér fannst hún strax ótrúlega spennandi! En svo kom þetta venjulega; peninga- og tímaleysi, og ég ákvað að salta hugmyndina í bili. Mér tókst samt að ganga á nýtt fjall í ferðalaginu þegar ég dró systur mína og kærasta hennar með mér á Montserrat, sem er rétt fyrir utan Barcelona. Fyrir forvitna þá læt ég fylgja myndir frá þeirri göngu. Það eru nokkrar mismunandi leiðir upp á hæsta tind fjallsins sem er í 1236 metra hæð. Leiðarnar byrja á mismunandi stöðum og eru því mislangar og erfiðar. Það er t.d. hægt að taka kláf upp hálfa leið og ganga þaðan. Leiðin er soldið brött og hitinn getur sagt til sín en gangan er mjög falleg og skemmtileg. Þegar maður kemur niður aftur er sögufrægt og fallegt klaustur sem hægt er skoða. Það var hins vegar mjög löng röð til að fara inn í klaustrið, þannig að við létum gönguna og frábært útsýnið duga.

Ferðalög eru forréttindi

Það var svo ekki liðið langt á nýja árið þegar hugmyndin dúkkaði upp aftur en ég þurfti að berjast á móti. Árið 2015 átti að fara í að safna pening fyrir náminu mínu í haust og átti því að vera utanlandsferðalaust! (skynsöm en glötuð hugmynd). Það sem endanlega kom mér af stað var innblástur frá Guðmundi Pálssyni, Baggalútssöngvara með meiru. Guðmundur hefur upp á síðkastið haldið uppi hlaðvarpinu Pabbi þarf að keyra á vef Kjarnans þar sem hann fjallar um margra mánaða langt ferðalag hans og fjölskyldunnar um Evrópu. Fyrir innilokaða ferðalanginn mæli ég mjög með að þið leggið við hlustir. Einn þátturinn hafði sérstakleg mikil áhrif á mig þar sem meginþemað eru þau foréttindi að fá að ferðast. Það er ekkert sjálfsagt að við fæðumst inn í líf þar sem við getum unnið okkur inn peninga, ferðast lengra en í næsta hverfi eða jafnvel séð mismunandi lönd og menningu. Og hafi maður tækifæri til þess þá eigi maður að nýta það!

Við fáum öll allskonar hugmyndir á hverjum degi, sumar skynsamar, aðrar fáránlegar og óframkvæmanlegar, en aðrar sjúklega skemmtilegar og vel framkvæmanlegar ef við leggjum bara aðeins á okkur. Ef þig langar nógu mikið að fara eitthvað, finndu þá leið og gerðu það! Ferðalög eru besta fjárfestingin og eru alltaf þess virði!

Þangað til næst,

Höfundur: Sigurður Freyr

Sigurður Freyr starfar hjá Hótel Holti og er mikill göngugarpur. Hann er duglegur að klífa fjöllin heima en vill prófa eitthvað nýtt og tekur nú gönguævintýraþrána á næsta level! Lesendur Gekkó geta upplifað ævintýri Sigga í gegnum komandi færslur hans á heimasíðunni þannig fylgist þið vel með!

[/fusion_text][/fusion_builder_column][/fusion_builder_row][/fusion_builder_container]

About The Author

Gestabloggarar eru ýmsir aðilar sem hafa frumsent okkur greinarnar sínar eða leyft okkur að endurbirta greinar eftir sig af öðrum miðlum. Vilt þú birta færslu á Gekkó? Ýttu á umslagið í horninu eða sendu okkur póst á ritstjorn@gekko.is og við kíkjum á þetta saman!

Related Posts

Skildu eftir skilaboð

Póstfangið þitt verður ekki birt opinberlega