googleb4b60998f2a4fbdf.html

[fusion_builder_container hundred_percent=”no” equal_height_columns=”no” menu_anchor=”” hide_on_mobile=”small-visibility,medium-visibility,large-visibility” class=”” id=”” background_color=”” background_image=”” background_position=”center center” background_repeat=”no-repeat” fade=”no” background_parallax=”none” parallax_speed=”0.3″ video_mp4=”” video_webm=”” video_ogv=”” video_url=”” video_aspect_ratio=”16:9″ video_loop=”yes” video_mute=”yes” overlay_color=”” video_preview_image=”” border_size=”” border_color=”” border_style=”solid” padding_top=”” padding_bottom=”” padding_left=”” padding_right=””][fusion_builder_row][fusion_builder_column type=”1_1″ layout=”1_1″ background_position=”left top” background_color=”” border_size=”” border_color=”” border_style=”solid” border_position=”all” spacing=”yes” background_image=”” background_repeat=”no-repeat” padding=”” margin_top=”0px” margin_bottom=”0px” class=”” id=”” animation_type=”” animation_speed=”0.3″ animation_direction=”left” hide_on_mobile=”small-visibility,medium-visibility,large-visibility” center_content=”no” last=”no” min_height=”” hover_type=”none” link=””][fusion_text]

Það getur verið kostnaðarsamt að eiga réttu græjurnar í ferðalagið. Sjálf bý ég ekki svo vel að eiga allt það nauðsynlega og tók því saman smá óskalista. Þar sem ég hef nýtekið upp á útivist er listinn svolítið miðaður út frá því – Vona að það komi ekki að sök 😉

1. Góðir gönguskór

Fyrir nokkrum árum grátbað ég kærastann minn um að gefa mér Timberland skó í jólagjöf. Ehm. Því ég ætlaði að nota þá í allar fjallgöngurnar sem ég væri að fara í. Ég held að ég hafi farið í tvær fjallgöngur á 5 ára tímabili. Og fyrir utan það finnst mér Timberland skórnir vera gjörsamlega gagnslausir í fjallgöngu. En nóg um það. Mig langar í þessa gönguskó. North Face Verbera Hiker II GTX. Hljómar eins og einhver 600 hestafla bíll. En þeir eru hiklaust betri en Timberland skórnir mínir sem eru komnir inn í skáp eða Nike skórnir sem ég geng fjöll núna í – sem er algjört þrot og ég mæli ekki með við neinn mann. North Face gönguskórnir fást í Útilíf! (svona ef einhver er að hugsa til mín og vill gefa mér gjöf)

Mynd: Fengin á utilif.is  Mynd: Fengin á utilif.is

2. Skel

Ekki nóg með það að ég hafi tekið ástfóstri við útivist heldur er ég búin að vera fikra mig áfram á snjóbretti. Höfum það samt alveg á hreinu að ég er langt frá því að teljast ,,meðal” í þeirri iðkun. Það helst svo í hendur að ég á engar græjur í snjóbrettaiðkun og nota ýmist oversized peysur af bróður mínum eða föðurland frá kærastanum. Ég er samt nokkuð viss um að ég væri mun betri á bretti ef ég fengi að spóka mig um í þessari skel. Blárri Tinnu frá Cintamani. Notagildin eru endalaus.

Mynd: Cintamani  Mynd: Cintamani

3. Straumbreytir

Þessi vara er örugglega sú vara sem ég sett langoftast í körfuna inná síðum og kaupi aldrei. Ég veit ekki afhverju. Eftir að hafa svo farið til Bandaríkjana var alltaf bölvað vesen að fá lánaðan straumbreytir og ömurlegt að kaupa lélega straumbreyta. Einn daginn mun ég kaupa svona og útrýma öllu óþarfa mausi á ferðalagi. Sver’ða.

Mynd: Bed, bath and beyond  Mynd: Bed, bath and beyond

4. Góð peysa

Sama hvort þú sért í Ameríku, Asíu eða Evrópu þá er alltaf crucial að eiga góða peysu. Í fáfræði minni tók ég enga almennilega peysu með mér til Bandaríkjana og lenti svo í rútuferð til Niagara Falls. Auðvitað var rútan með bullandi AirCon. Ég sat frosin aftast í rútunni þangað til að við komum að þjóðgarði þar sem að ég endaði á að kaupa fokdýra (og mjög ljóta!) peysu til þess að halda mér hlýrri. Ég hef aldrei notað peysuna aftur. Hefði betur eytt peningnum í peysu sem hefur endalaus notagildi. Vík hettupeysan frá 66°N er klárlega peysan sem ég væri til í að eiga á ferðalögum.

Mynd: 66°N  Mynd: 66°N

5. Silkisvefnpoki

Mikið hefði ég viljað að einhver hefði sagt mér frá þessari snilld áður en ég fór til Asíu. Ég var étin lifandi af bedbugs pöddum og hélt á tímabili að ég myndi sturlast útaf kláða. Bjútí-ið við silkisvefnpoka er að bedbugs ná ekki að festa sig í þeim þar sem efnið er svo sleipt. Ég hef bara heyrt góða hluti um pokana og dauðlangar í þá. Ég mæli með að kaupa þá í staðinn fyrir að fá bit. Það er ekkert meira pirrandi en að fá bedbugsbit, hvað þá að vera með 30!

Mynd: Sea To Summit Mynd: Sea To Summit

6. Myndavél

Spurningin ,,hvað er mikilvægast að taka með sér í reisu?” hefur komið 100x upp á Heimsfara síðunni. Það sem ég mæli með er góð myndavél (að undanskyldu vegabréfi og pening auðvitað). Það er ekkert gaman að fara í reisu og eiga svo engar myndir. Það getur líka verið þreytandi að vera með of stóra vél. Mig langar í þessa vél, Sony RX100 II. Hún er lítil, tekur góðar myndir og er á sanngjörnu verði.

Mynd: Elko Mynd: Elko

7. Fjallraven bakpoki

Ég á reyndar sjálf Fjallraven en fyrir þá sem eru í þeim hugleiðingum um dagsferðar/handfarangursbapoka – þá mæli ég með þessum. Einfaldir, léttir og svo fylgir með frauðseta sem er algjör snilld og hægt að nota á skítugum/blautum stöðum. Það eru margir sem að vita það ekki og henda þessu en í guðs bænum geymið þetta – setan kemur eflaust að góðum notum á ótrúlegustu tímum!

Eftir þennan lista langar mig að selja allt sem ég er ekki að nota og fara kaupa mér þessa hluti. Ég vona að þetta hafi hjálpað einhverjum!

GUÐFINNA BIRTA.

Ég er á Instagram – gudfinnabirta

[/fusion_text][/fusion_builder_column][/fusion_builder_row][/fusion_builder_container]

About The Author

Guðfinna Birta
Ritstjóri og færsluhöfundur

Guðfinna er einn eigandi Gekkó með endalausa þörf fyrir ferðalögum og oftar en ekki með 3-4 ferðir í pokahorninu. Hefur ferðast mestmegnis í Bandaríkjunum og Asíu - en tekið ástfóstri við Mið-Austurlöndin síðastliðin ár. Guðfinna talar líka um ferðalög með börn, enda engin ástæða fyrir því að hætta ferðast til framandi landa þó það fjölgi í fjölskyldunni.

Related Posts

Skildu eftir skilaboð

Póstfangið þitt verður ekki birt opinberlega